СӨ бырабыыталыстыбатын отчуоттуур бөлөҕө бэҕэһээ Сунтаар улууһун Наахара, Бүлүүчээн нэhилиэктэригэр мунньахтаата.
edersaas.ru
Отчуот Наахара нэһилиэгиттэн саҕаланна. Бырабыыталыстыба бэрэссэдээтэлин бастакы солбуйааччы Петр Алексеев, Сунтаар улууhун аҕа баhылыга Анатолий Григорьев отчуот саҕаланыан иннинэ, Наахара оскуолатын дириэктэрэ Октябрина Захарова, ФАП биэлсэрэ Вера Герасимова буоланнар, балыыһа, оскуола эбийиэктэрин үлэлиир усулуобуйаларын көрдүлэр-иһиттилэр.
Бу нэһилиэктэр улуус кииниттэн ыраах сыталлар. Олохтоохтору ордук уотунан ититии, сибээс боппуруостара долгуталлар. Ол курдук, сунтаардар өр сыллаах туруорсууларын түмүгүнэн, бу сайын «Бүлүү» федеральнай суолу бата оптика утаҕа тардыллыахтаах. Суолтан ыраах сытар нэһилиэктэр бу ситимҥэ сатаан хабыллыбаттар. Инньэ гынан, наахаралар сүрүн утахтан нэһилиэктэргэ ситими тардыыны туруорустулар. Онуоха, отчуоттуур бөлөх оптика киирбит нэһилиэктэригэр анал «розеткалар» баар буоллахтарына, атын нэһилиэктэр эмиэ онно холбонуохтарын сөбүн туһунан эттилэр.
Тимур Иванов, Сунтаар, edersaas.ru сайтка анаан