Бүгүн, муус устар 29 күнүгэр, Хаҥалас улууһун Нөмүгү нэһилиэгэр этиҥнээх, чаҕылҕаннаах ардах түспүт.
Бу туһунан нэһилиэк аҕа баһылыга Наум Устинов иһитиннэрдэ:
— Ардах биһиги эрэ нэһилиэкпитигэр буолбакка, Эркээни хочотун нэһилиэктэригэр Төхтүргэ, Өктөмҥө уонна биһиэхэ күнүс 13.40 чааска түстэ. Сайыҥҥы ардах курдук чаҕылҕаннаах, этиҥнээх. Сир уутуйда. Дьиҥэр, кууран испиппит. Чаҕылҕан түмүгэр хас да ыал цифровой телевидениеларын приставката алдьанна. Ону таһынан «Ростелеком» ситимиттэн киирэн модемнары алдьаппыт. Хаһан даҕаны муус устар ыйга этиҥнээх, чаҕылҕаннаах ардах түспүтүн өйдөөбөппүн.
Ульяна Захарова, edersaas.ru
+1
+1
+1
+1
+1
+1
+1