Хаҥалас улууһун Нөмүгү олохтоохторо Александр уонна Марианна Ксенофонтовтар тэпилииссэҕэ сылы эргиччи клубника үүннэрэллэр.
Эдэр ыал физико-техническай институту бүтэрбиттэрэ. Александр — күндү таастары кырыылааччы, оттон Марианна — ювелир.Үөрэхтэрин бүтэрээт «Драгоценности Якутии», «Золото Якутии» хампаанньаларга үлэлээбиттэрэ. Оттон 2008 сыллаахха Александр төрөөбүт дойдутугар Хаҥаласка көспүттэрэ. Ыал аҕата «Ханалас-Ас» ТХПК-ҕа кылаабынай инженерынан, оттон Марианна «Сибойл» заправкаҕа кассирынан үлэлии киирбиттэрэ.
2019 сыллаахха бэһис оҕолорун оҕолоноору сылдьан, бэйэ дьылатынан дьарыктаммыт киһи диэн санааҕа ылларан, уопсай сүбэлэһии түмүгүнэн клубника үүннэриитинэн дьарыктанарга быһаарыммыттара.
Онон Марианна үлэтиттэн уурайан, Хаҥаластааҕы дьарыктаах буолуу киинигэр социальнай хантараагынан туһанарга сайаапка түһэрбитэ. Ол гынан баран сүүмэрдээһини кыайан ааспатаҕа. Ол оннугар Дьарыктаах буолуу киинин көмөтүнэн Биисинэс-оскуолаҕа үөрэммитэ.
Бу үөрэнэ сылдьан 2019 сыл бүтүүтэ СӨ Тыа хаһаайыстыбатын
министиэристибэтэ ыытар «Агростартап» куонкуруһугар кыттыбыта.
Онон биир сылынан, 2020 сыл бүтүүтэ, Ксенофонтовтар 80 кв м иэннээх сылы эргиччи үлэлиир тэпилииссэлэрэ үлэҕэ киирбитэ.
«Быйыл клубниканы таһынан өссө оҕурсу үүннэрбиппит. Биһиги клубника икки суордун — Альбион уонна Сан-Андреас диэни үүннэрэбит, — диэн Марианна кэпсээтэ.
«Хаҥалас улууһа» МТ пресс-киинэ
Хаартыска: Ксенофонтовтар архыыптарыттан
+1
+1
+1
+1
+1
+1
+1