Ньүүйэни ньиэбинэн киртиттилэр

Бөлөххө киир:

Айылҕа харыстабылын министиэристибэтигэр  Ленскэй оройуонугар Ньүүйэ үрэх ньиэбинэн киртитиллибитин туһунан иһитиннэрии баар. Бу – кырдьык.

edersaas.ru


Бүгүн Ленскэй оройуонун  Орто Наахара нэһилиэгин баһылыгыттан  айылҕа харыстабылын миниистирэ Сахамин Афанасьевка  ньиэп, гаас эбийиэктэрин бэрэбиэркэлииллэригэр  сурук киирбит. Тустаах миниистир дьаһалынан,  Ленскэйдээҕи  айылҕа харыстабылын иниспиэктэрдэрэ тиийэн бэрэбиэркэлии сылдьаллар.  Олохтоохтор этэллэринэн,  от ыйын 3 күнүгэр  Ньүүйэ биэрэгин кыйа уу үрдүнэн  ньиэп халыйа сылдьар эбит.  Улуустааҕы айылҕа харыстабылын  иниспиэксийэтин  бастакы бөлөҕө Орто Наахара нэһилиэгин аттын көрөр-истэр. Иккис бөлөх Ньүүйэни өрө, баһын диэки тахсан бэрэбиэркэни ыытар. Бастакы бөлөх бу түүн кэлэрэ күүтүллэр. Иккис бөлөх сарсын төннүөҕэ.

  Анна Налимова, Айылҕа харыстабылын министиэристибэтин пресс-сулууспатын салайааччы:

—Ленскэйдээҕи айылҕа харыстабылын иниспиэктэрдэрэ ньиэп тохтубут сиригэр тиийэн үлэлии сылдьаллар. Көрөн-истэн баран, балаһыанньаны биллэриэхтэрэ, — диэн иһитиннэрдэ.

Александр ТАРАСОВ, «Саха сирэ» хаһыат, edersaas.ru 

+1
0
+1
0
+1
0
+1
0
+1
0
+1
0
+1
0