Н.Э. Бауман аатынан университеты кытта бииргэ үлэлэһии боппуруоһун көрдүлэр
Бэҕэһээ СӨ бырабыыталыстыбатын бэрэссэдээтэлин солбуйааччы Сергей Местников Н.Э. Бауман аатынан Москватааҕы судаарыстыбаннай тиэхиньиичэскэй университеты кытта бииргэ үлэлэһии боппуруоһун мунньаҕын ыытта.
Саха Өрөспүүбүлүкэтэ Н.Э. Бауман аатынан Москватааҕы судаарыстыбаннай тиэхиньиичэскэй университеты кытта сөбүлэҥ түһэрсиини олоххо киллэрии уонна салгыы бииргэ үлэлээһининэн иһитиннэриини, СӨ үөрэҕин уонна наукатын миниистирин бастакы солбуйааччы Михаил Присяжнай оҥордо.
Бииргэ үлэлэһии сөбүлэҥэ СӨ Ил Дархана Айсен Николаев сорудаҕын толоруу иитинэн буоларын Михаил Юрьевич бэлиэтээтэ итиэннэ «Север: территория устойчивого развития» билим-үөрэх киининэн бииргэ, хардарыта үлэлэһии систиэмэтигэр олоҕуран олоххо киллэрэргэ эттэ.
Миниистири бастакы солбуйааччы иһитиннэрбитинэн, илии баттаһыы аан дойду таһымнаах чинчийиилэри уонна оҥоһуулары хааччыйар, атыттары кытта куонкурустаһар кыахтаах технологиялары уонна бородууктары ылар, туһанар, бырамыысыланнас, билим, технология салааларын интэриэстэрин сайыннарарга бөдөҥ научнай-технологическай соруктары быһаарар каадыры бэлэмниир сыаллаах.
Быйыл “СӨ Наукаларын академиятын Арктикатааҕы научнай-чинчийэр киинэ” Н.Э. Бауман аатынан Москватааҕы судаарыстыбаннай тиэхиньиическэй университет “Автоматика уонна робототехника” инжиниринговай киинин кытта «Разработка низкозастывающих жидкостей для пожаротушения в условиях низких температур» («Антипожар» бырайыак) тиэмэнэн научнай-чинчийэр үлэни олоххо киллэриигэ ылсыбыттар.
Күн бүгүн научнай-чинчийэр үлэ бастакы түһүмэҕэ түмүктэммит. Д.И. Менделеев аатынан Арассыыйатааҕы химия-тиэхиньикэ университетыттан бастакы түһүмэххэ экспертэр түмүктэрэ кэлбит. Иккис түһүмэҕэ бу сыл алтынньы 10 күнүгэр бүтүөҕэ диэн былаанныыллар.
СӨ Үөрэҕин уонна наукатын министиэристибэтин пресс-сулууспата.