Уус Алдан Мындаабатыгар 1959 с. МТС эргэ уһун хара уопсайыгар нулевой кылаастаах бастакы сүһүөх оскуола аһыллыбыта. Билигин Мындааба оскуолата улаатта, өрөспүүбүлүкэҕэ тарбахха баттанар оскуола буолла.
Бу үөрэх кыһатыгар 21 улуустан, Красноярскай кыраайтан тиийэ 200 оҕо кэлэн спорт араас көрүҥнэригэр уһуйуллаллар. Кэлэктиипкэ 70 киһи үлэлиир.
Александр Рассадин, Женя Алексеев, Кеша Иннокентьев уо.д.а. ситиһиилэрин төһө баҕарар суруйуохха сөп.
Учууталлар үксүлэрэ кэриэтэ куортамнаһан олороллор. Оскуола маһа буруус буолан, акылаата сытыйан бүттэ, кыараҕас даҕаны.
СӨ Ил Дархана Егор Борисовтан мас оскуоланы хаарбах дьиэлэри көһөрүү бырагырааматыгар киллэттэрэригэр көрдөһөбүт. Таас оскуоланы туттарара буоллар, абыраллаах буолуо этэ. Ол инниттэн федеральнай былааҥҥа киллэртэрэн, суһаллык туттарарыгар көрдөһөбүт. Эргэ мас оскуоланы өрөмүөннээн, итии-тымныы уулаан, сиэптиктээн, учууталларга уопсай дьиэ гынар табыгастаах буолуоҕа.
Макар Крылов, педагогическай үлэ бэтэрээнэ.
Хаартыска: интэриниэттэн