Мындаҕаайылар уу кэлэригэр бэлэмнэнэллэр

Ааптар: 
Бөлөххө киир:

Бүгүн, ыам ыйын 14 күнүн күнүс 12 чаас туругунан, Чурапчы улууһун Мындаҕаайытыгар Амма өрүскэ халаан уута муҥутуур кирбиигэ тиийэрэ 62 см хаалбыт. Үрэх уута күүскэ кута турар диэн Болугур нэһилиэгин суһал ыстааба иһитиннэрэр.

Ыксаллааах быһыынан-майгынан сибээстээн, олохтоох дьаһалта ынаҕы, сылгыны уу тиийбэт сиригэр хаайарга, босхо ыыппакка сүбэлээтэ. Хочоҕо, күөллэргэ уу кута турар. Нэһилиэк суһал ыстааба төрөппүттэр оҕолорун хонтуруоллуулларыгар, булчуттар ууттан уонна уоттан сэрэхтээх буолалларыгар ыҥырар.

Амматааҕы КЧС биллэрэринэн, Үөһээ Аммаҕа 1998 сыллаах халаан уутун муҥутуур бэлиэтигэр тиийэрэ 62 см хаалбыт. Онон, мындаҕаайылар уу кэлэригэр бэлэмнэнэллэр.


Мындаҕаайы — Чурапчы улууһун Болугур нэһилиэгин киинэ, Амма өрүс кытыытыгар турар. 2007 сыллаах биэрэпиһинэн, манна 1 116 киһи, ол иһигэр Мындаҕаайыга — 1 106, Кыстык-Кугдаҕа — 11 киһи олорор. Нэһилиэк Чурапчы кииниттэн илин диэкки 70 км Амма өрүскэ сытар.

+1
0
+1
0
+1
0
+1
0
+1
0
+1
0
+1
0