Муус устар 22 күнүттэ саҕаламмыт “Мы – патриоты” өрөспүүбүлүкэтээҕи аахсыйа чэрчитинэн, үөрэнээччилэр бойобуой дьайыылар кыттыылаахтарын, бэтэрээннэрин, полиция үлэһиттэрин кытары көрсүһүүлэрэ буолуохтара. Бу аахсыйа бары улуустарга ыытыллыаҕа.
Социальнай аахсыйа биэс түһүмэхтээх: муус устар 22 күнүгэр үөрүүлээх аһыллыы, муус устар 30 күнүттэн өрөспүүбүлүкэ бары оскуолаларыгар ыытыллар, ыам ыйын 7 күнүгэр – Дьокуускайдааҕы кырдьаҕастар, инбэлииттэр интэринээт-дьиэлэригэр, ыам ыйын 15 күнүгэр – социальнай көмөҕө наадыйар дьоҥҥо, бэс ыйын 1 күнүгэр – тулаайахтарга, элбэх оҕолоох уонна оҕону иитэ ылар дьиэ кэргэттэргэ анаан ыытыллыаҕа.
Бу үс кэнники тэрээһиннэргэ саха эстрадатын артыыстара кэлэн ыллыахтара, эҕэрдэлиэхтэрэ. Аахсыйа үүнэр көлүөнэҕэ патриотическай өйү-санааны күүһүрдэр, дойдуга тапталы иҥэрэр, көмөҕө наадыйар дьону өйүүр, сэргэхситэр сыаллаах.
Ангелина Васильева, “Саха сирэ” хаһыат, edersaas.ru
Хаартыска: СӨ киһи быраабыгар боломуочунайын пресс-сулууспата.