Музыка доҕуһуоллаах аудиокинигэ тахсыаҕа

Кинигэ сиэрийэтин 2022 сыл бүтүөр диэри устар былааннаахтар. Александр Пушкин «Метель», Үрүҥ көмүс үйэ үтүөкэн бэйиэттэрин айымньылара, ол кэмнээҕи муусука, ону сэргэ Акртика суруйааччыларын айымньылара киллэриллэллэр. Бу туһунан СӨ Судаарыстыбаннай филармониятын генеральнай дириэктэрэ Туйаара Пестрякова иһитиннэрбит.

«СӨ музыкальнай диэйэтэллэрин холбоһугар филармонияны кытта «Музыка и слово. Аудиокниги для слепых и слабовидящих» култуурунай инициативаларга пуонда гранын сүүйбүппүт. Үлэни кэлэр сыл бүтүүтүгэр түмүктүөхтээхпит. Ыам ыйыгар диэри устуохпутун, салгыы техническэй үлэтигэр ылсыахпытын баҕарабыт», — диир Пестрякова итиэннэ харахтарынан инбэлииттэргэ анаммыт музыка доҕуһуоллаах аудиокинигэ Саха сиригэр аан бастаан тахсарын туһунан этэр.