MUUSUSTAR бэстибээл гимнасткалары түмүөҕэ

Бөлөххө киир:

MUUSUSTAR бэстибээл чэрчитинэн художественнай гимнастика бырааһынньыга буолуоҕа.

Бэстибээл чэрчитинэн саха гимнасткалара кулун тутар 25 күнүгэр «Кыайыы 50 сыла» успуорт дыбарыаһыгар бар дьону түмүөхтэрэ. Ол курдук, бу улахан тэрээһиҥҥэ  Дьокуускайтан, Покровскайтан «Бриллианты Туймаады», «Либерти», «Сардаана», «Сияние», «РОФСО», «Кристалл» уонна Хаҥаластан успуорт оскуола иитиллээччилэрэ, барыта 150 гимнастка кыттыа диэн этиллэр.

Бу тэрээһиҥҥэ оскуола оҕолоро, төрөппүттэр сылдьан сынньаныахтарын, кэрэни кэрэхсии кэлиэхтэрин сөп. Кулун тутар 25 күнүгэр күнүс 16:00 чаастан Орджоникидзе 28-гар буор-босхо оҕолорбут талааннарын көрөргө ыҥыраллар.

Бэлиэтээн эттэххэ, MuusuSTAR бэстибээл Дьокуускайга кулун тутар 25-26 күннэригэр 12 хайысханан ыытыллыаҕа. Хайысхалар — киинэ, успуорт, мульткиинэ, анимация, киберуспуорт, муода, үҥкүү, суруналыыстыка о.д.а.

Ульяна ЗАХАРОВА.

+1
0
+1
0
+1
0
+1
0
+1
0
+1
0
+1
0