Муусука Үрдүкү оскуолата төрүттэммитэ 25 сыла буолла...
Олох-дьаһах

Муусука Үрдүкү оскуолата төрүттэммитэ 25 сыла буолла

Алтынньы 23 күнүгэр Дьокуускайга Опера уонна Балет тыйаатырыгар В.А. Босиков аатынан Муусука Үрдүкү оскуолата төрүттэммитэ 25 сылын бэлиэтээтилэр.

Мустубут ыалдьыттары үөрүүлээх күнүнэн СӨ култуураҕа уонна духуобунай сайдыыга миниистирэ Юрий Куприянов эҕэрдэлээтэ. Ситиһиини, табыллыыны баҕаран туран, өрөспүүбүлүкэ салалтатын аатыттан рояль атыылаһарга сэртипикээт туттарда уонна оскуола үлэһиттэрин наҕараадалаата.

Маны таһынан, Ил Түмэн дьокутаата Феодосия Габышева, Саха сирин наукатын уонна үөрэҕириитин миниистирин солбуйааччы Владимир Тихонов, өрөспүүбүлүкэтээҕи култуура үлэһиттэрин идэлээх сойууһун бэрэссэдээтэлэ Анастасия Семенова эҕэрдэлээтилэр.

Муусука Үрдүкү оскуолатын иитиллээччилэрэ, Бүтүн Арассыыйатааҕы “Серебряные трубы Черноморья” күрэхтэһии лауреата буолбут оҕо оркестра өрөгөйдөөх киэһэни арыйда. Бу үөрүүлээх күн үрдүк таһымнаахтык ааста. Оскуола олоҕор сүдү суолталаах дьон, үлэһиттэр үтүө тылынан ахтылыннылар. Саала иһэ толору көрөөччү, ыалдьыт. Хас биирдии сыанаҕа тахсыбыт үөрэнээччи уһулуччу талаана сөхтөрдө.

Лера Львова, edersaas.ru

0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

один × три =