«Саха сирин бриллианнара» күөн күрэскэ чочуллубут муус, хаар оҥоһуктар хайдахтаах кэрэлэрий?!
«Кыһын Саха сириттэн саҕаланар» бэстибээл чэрчитинэн ыытыллар «Саха сирин бриллианнара» күөн күрэскэ чочуллубут муустан, хаартан ураты кэрэ оҥоһуктар киин куораты — Дьокуускайгы киэргэтэллэр, тупсараллар, ураты тыыны биэрэллэр.
Сүрүн экспозиция куорат 202-с түөлбэтигэр «Хотугу дьүкээбил» муус пааркатын киэргэтэр. «Аан дойду киинэтэ» уонна «Өрөспүүбүлүкэ 100 сыла» тиэмэлэринэн оҥоһуллубут бэртээхэй скульптуралар нарыннарынан, ураты кэрэлэринэн сөхтөрөллөр, болҕомтону тардаллар.
Уран тарбахтаах маастардар оҥоһуктара өргө диэри туран, дьону-сэргэни, оҕону-урууну үөрдүөхтэрэ диэн иһитиннэриигэ этиллэр.
Онус төгүлүн ыытыллар далааһыннаах тэрээһин иитинэн, күөн күрэс, быыстапка арааһа, «Саха сирин амтана» гастрономическай бэстибээл, «Саха моржтара» чөл олох уонна эти-сиини эрчийии уопсастыбаннай түмсүү чилиэннэрин кыттыылара , «The Snow Queen in Yakutia» арт-шоу, бал-маскараат, этно-муода уо.д.а. ыытылынна.
Андрей Сорокин (СИА) хаартыскаҕа түһэриилэрэ.
+1
+1
+1
+1
+1
+1
+1