Муус устуута этэҥҥэ түмүктэнэн эрэр

Бөлөххө киир:

Өлүөнэ өрүскэ муус устуута Булуҥ улууһугар бара турар. Үөһээ кирбиитэ Күһүүр сэлиэнньэтиттэн 70 килэмиэтирдээх, уу таһыма 1983 см. (муҥутуур таһым – 3150 см.).

Халыма өрүскэ муус Аллараа Халыма улууһун сиригэр-уотугар устар. Үөһээ кирбиитэ Походское сэлиэнньэттэн 5 килэмиэтир тэйиччи баар, уу таһыма – 231 см. Муус устуутун уһуна – 40 килэмиэтир.
Алазея өрүскэ Орто Халыма улууһун сиринэн муус устар. Андрюшкино аттынан уу таһыма 603 см. (муҥутуур таһыма – 1000 см.). Муус устуутун уһуна – 130 килэмиэтир.

—Өрөспүүбүлүкэҕэ муус устуута түмүктэнэн эрэринэн, халаан уута нэһилиэнньэлээх пууннары ылбатаҕынан, өрүстэр бары этэҥҥэ муустан ыраастанар туруктаахтарынан, кэтээн көрөр бөлөхтөр Дьокуускайга төнүннүлэр, — диэн ЫБММ Саха сиригэр кылаабынай управлениетын  начаалынньыга Павел Гарин бэлиэтээтэ.
Индигирка өрүскэ муус Аллайыаха улууһугар 40 килэмиэтир сиринэн устар. Үөһээ кирбиитэ Чокуурдаах аттынан баар, уу таһыма – 641 см. (муҥутуур таһыма – 913 см.).

Яна өрүскэ Усуйаана улууһугар муус устар. Аллараа кирбиитэ Нижнеянскай сэлиэнньэтиттэн 5 килэмиэтирдээх сиргэ баар, уу таһыма – 352 см. (муҥутуур таһыма – 450 см.). Үөһээ кирбиитэ Нижнеянскайтан 30 килэмиэтир үөһээ баар. Муус устуутун уһуна 25 килэмиэтир диэн ЫБММ управлениетын пресс-сулууспата иһитиннэрэр.

Ангелина Васильева, “Саха сирэ” хаһыат, edersaas.ru

Хаартыска: sakha.gov.ru

+1
0
+1
0
+1
0
+1
0
+1
0
+1
0
+1
0