Дьокуускай куоракка кулун тутар 25-26 күннэригэр ыытыллар «Muus uSTAR» ыччат бэстибээлигэр регистрация саҕаланна.
Быйылгы тэрээһин бырагыраамата 12 тректэн турар, ол иһигэр «Кинематограф и искусство», «Журналистика и блогинг», «Digital и IT», «Мультипликация и анимация», «Спорт», «Киберспорт», «Мода». Бырагыраамаҕа саҥа хайысхалар киирдилэр: «Молодой учёный»уонна «ESG». Бэстибээл иитинэн араас куонкурустар, көрсүһүүлэр, маастар-кылаастар ыытыллыахтара.
Бэстибээл хедлайнердарынан кинорежиссер, сценарист, Арассыыйа норуодунай артыыһа Алексей Учитель, хореограф, Арассыыйа үтүөлээх артыыһа Егор Дружинин, Tik-tok блогер Фросик Фрося, Instagram-блогер Елена Саморукова, Матч-ТВ уонна YouTube-ханаал ыытааччыта Карен Адамян уонна да атыттар буолуохтара. Тэрээһини Антон Комолов уонна Михаил Башкатов ыытыахтара. Кинилэргэ олохтоох ыытааччылар көмөлөһүөхтэрэ.
Үгэс быһыытынан, дроннар шоулара, меппинг-шоу, фаер-шоу ыытыллыахтара.
Тэрээһиҥҥэ 2,5 тыһыынча кыттааччы кыттара күүтүллэр.
ЫСПЫРААПКА:
Тэрийээччи – СӨ бырабыыталыстыбата уонна Росмолодёжь. Генеральнай партнёр – «Эльгауголь» хампаанньа, партнёрдар – «Якутия» АХ, Транснефть. Информационнай партнёрдар – МУЗ-ТВ уонна Rutube.
https://muusustar.ru/ саайтка киирэн регистрацияланыҥ!
edersaas.ru