Muus uSTAR бэстибээлгэ Данила Козловскай, Алина Загитова кэлэллэрэ күүтүллэр

Muus uSTAR – бу Саха Өрөспүүбүлүкэтин бырабыыталыстыбатын уонна   «Синергия» корпорация бастакы кыттыгас бырайыактара. Бэстибээл генеральнай партнера «ЭльгаУголь» ХЭУо.

Тэрээһин Саха сирин талааннаах ыччатын айар дьоҕурдарын, спортивнай, биисинэс, цифровой эйгэҕэ саҥа саҕалааһыннарын өйүүр былаһааккатынан буолуоҕа.

«Muus uSTAR бэстибээл өрөспүүбүлүкэни ааттатар  саҥа чаҕылхай ыччаты киэҥ араҥаҕа таһаарыаҕа», — диэн Ил Дархан Айсен Николаев этэр.

Тэрээһин иитинэн маастар-кылаастар, биллэр-көстөр дьону кытары көрсүһүүлэр ыытыллыахтара. Ол курдук Дьокуускайга Арассыыйа биллиилээх артыыһа, режиссер Данила Козловскай, фигуристка Алина Загитова, скрипач Эдгар Акобян, ырыаһыт Леван Горозия кэлэрэ күүтүллэр.

Сиһилии иһитиннэриини http://muusustar.ru  саайтка киирэн көрүҥ.