Ааспыт өрөбүллэргэ MuusuSTAR бэстибээлгэ СӨ Үлэҕэ уонна социальнай сайдыы министиэристибэтин көҕүлээһининэн «Ийээ, мин эйигин таптыыбын” диэн аахсыйа буолан ааста.
Тэрээһин чэрчитинэн кыттыылаахтар уонна ыалдьыттар бары кэриэтэ бу аахсыйаҕа кыттыһан ийэлэригэр тапталга билиннилэр. Маннык үтүө, амарах аахсыйа оҕону иитиигэ, дьиэ кэргэни, үтүө үгэстэри үйэтитиигэ ийэ оруола улаханын уонна оҕоҕо ийэттэн ордук чугас ким да суоҕун туоһулуур. Аахсыйаҕа уопсайа 150 киһи кытынна. Онтон 100 киһи видео-сибээс нөҥүө ийэлэригэр тапталга билиннилэр.
Бэлиэтээн эттэххэ, СӨ Ийэ сыла биллэриллибитинэн, маннык аахсыйа сыл устата ыытыллыаҕа. Бу аахсыйаҕа номнуо СӨ улууһун хаһыаттара бары кыттыбыттар.
Ульяна ЗАХАРОВА.
+1
+1
+1
+1
+1
+1
+1