Өрөспүүбүлүкэбитигэр бастакытын ыытыллар MUUS uSTAR бэстибээлгэ анаан төлөпүөн сыһыарыыта оҥоһулунна. Бу сыһыарыы көмөтүнэн бэстибээли быһа көрүөххэ, бырагыраама уонна хедлайнердар туһунан информацияны билиэххэ сөп диэн тэрийээччилэр иһитиннэрэллэр.
Бу былаһааккаҕа бэстибээл чэрчитинэн кэпсэтии тахсыаҕа, итиэннэ бириистэрдээх оонньуулар ыытыллыахтара.
Сыһыарыыны IOS уонна Android систиэмэлээх смартфоҥҥа босхо хачайдыахха сөп. Бу сигэлэри туһаныҥ: App store, Google Play.
MUUS uSTAR бэстибээл кулун тутар 27 күнүттэн онлайн уонна офлайн киэбинэн ыытыллыаҕа. Бэстибээли СӨ Бырабыыталыстабата уонна «Синергия» корпорация тэрийэллэр, оттон сүрүн партнерунан «ЭльгаУголь» буолла. Сиһилии: muusustar.ru.
+1
+1
+1
+1
+1
+1
+1