Муус устар 26 күнүгэр Ил Дарханныын «Прямая линия» быһа эпииргэ буолуоҕа

Муус устар 26 күнүгэр Айсен Николаевы кытта «Прямая линия»  биэрии быһа эпииргэ ыытыллыаҕа. Биэрии өрөспүүбүлүкэ күнүн көрсө буолуоҕа, 19.00 чаастан саҕаланыаҕа.

Быһа эпиир «Саха» НКИХ, «Якутия 24», «Россия 24» ханаалларыгар, итиэннэ RuTube, Ил Дархан «Вконтакте», «Одноклассники» социальнай ситимнэргэ баар старницаларыгар көстүөҕэ, «Тэтим», «Арассыыйа араадьыйата» араадьыйаларга  иһиллиэҕэ.

Айсен Николаев олохтоохтор ыйытыыларыгар хоруйдуоҕа, сайдыы сүрүн хайысхаларынан санаатын этиэҕэ.

Ыйытыыларгытын 100yakutia.ru саайтка, @voprosGlaveYakutii_bot телеграм-ботка, итиэннэ Ил Дархан ВКонтакте баар страницатыгар хаалларыаххытын сөп.

Бу туһунан Ил Дархан уонна Бырабыыталыстыба дьаһалтатын пресс-сулууспата иһитиннэрэр.