Судаарыстыбаннай Дуума кэмитиэтэ Конституцияны уларытыыга куоластааһыҥҥа көннөрүүлэри өйөөтө
Судаарыстыбаннай Дуума судаарыстыба тутулугар кэмитиэтэ муус устар 22 күнүгэр Конституцияны уларытыыга Бүтүн Арассыыйатааҕы куоластааһыны ыытар туһунан көннөрүүлэри өйөөтө. Бу күн үлэлээбэппит.
Судаарыстыбаннай Дуума судаарыстыба тутулугар кэмитиэтэ муус устар 22 күнүгэр Конституцияны уларытыыга куоластааһын бэрээдэгин туһунан көннөрүүлэри өйөөтө.
Сүрүн бириинсиптэрэ:
— Бу бэрэсидьиэн ыйааҕынан ананыаҕа, итиннэ Арассыыйа олохтоохторун дьүүлүгэр боппуруос туруоруллуоҕа, олохтоох бириэмэнэн 8-тан 20 чааска диэри ыытыллыаҕа;
— Бу кэнниттэн Киин быыбардыыр хамыыһыйа үс күн иһинэн болдьоххо куоластааһын бэрээдэгин, бүлүтүөн көрүҥүн уонна тиэкиһин бигэргэтиэҕэ;
— Куоластааһыҥҥа доруобуйаларын туругунан кыаммат эбэтэр хаайыыга олорор дьонтон ураты 18 саастарыттан саҕалаан бары гражданнар кыттыахтарын сөп;
— Куоластааһын кистэлэҥ буолуоҕа, бачча киһи кэлиэхтээх диэн хаарчах суох, түмүгү 5 күнтэн хойутаабакка таһаарыахтаахтар;
— Уопсастыбаннай палаата уонна регпалаата куоластааһыҥҥа үлэ курдук, уонна бу түмүктэрин таһаарыыга кэтээн көрөөччүлэри аныахтара, норуоттар икки ардыларынааҕы кэтээн көрүү көрүллүбэт;
Бэйэлэрин баҕа санааларын биллэрэргэ Судаарыстыбаннай өҥөлөр порталларын, Элбэх өҥөнү оҥорор киин, ону тэҥэ ыраахтан электроннай куоластааһын маннык усулуобуйа баар сиригэр ыытыллар.
Бэлэмнээтэ Женни Стрюкова.