Муус устарга Саха сирин тэйиччи сытар 15 оройуонун 46 тыһыынча олохтооҕун биэрэпистиир былаан баар диэн СӨ Статистикаҕа сулууспата иһитиннэрэр.
Аллайыаха, Анаабыр, Булуҥ, Эдьигээн, Муома, Аллараа Халыма, Орто Халыма, Усуйаана нэһилиэнньэтэ барыта биэрэпистэниэҕэ, оттон Абый, Амма, Үөһээ Бүлүү, Үөһээ Халыма, Горнай, Өлөөн, Эбээн Бытантай улуустарын сорох эрэ нэһилиэктэригэр биэрэпис ыытыллыаҕа.
Кулун тутарга СӨ Статистикаҕа сулууспатын исписэлиистэрэ оройуоннарга баар тустаах үлэһиттэри бэлэмниир сэминээрдэри тэрийбиттэрэ. Онон кэлэр ыйга ыытыллар биэрэпис буолар нэһилиэнньэлээх пууннара бу тэрээһиҥҥэ бэлэмнэр: дьиэ-уот көрүлүннэ, үлэһиттэри таллылар. Биэрэпискэ туттуллар былааҥкалар, таҥас-сап, суумка, сурутааччы дастабырыанньалара уонна дьаҥтан харыстанар сириэстибэлэр улуустарга тиксэрилиннилэр.
Бүтүн Арассыыйатааҕы нэһилиэнньэ биэрэпиһин сүрүн түһүмэҕэ быйыл балаҕан ыйыгар ыытыллыаҕа диэн СӨ Статистикаҕа сулууспата иһитиннэрэр.