Муус устар 1 күнүттэн Арассыыйа аан дойдутааҕы күрэхтэһиилэри ыытарга сайаапканы түһэрэр быраабыттан матыан сөп
2018 сыл муус устар 1 күнүттэн дойду сиригэр-уотугар норуоттар икки ардыларынааҕы таһымнаах күрэхтэһиилэр ыытыллалларыгар
Арассыыйа допины утары үлэни сүрүннүүр ааҕыныстыбатын (РУСАДА) билиҥҥи балаһыанньата мэһэйдиэн сөп.
Бу туһунан аан дойдутааҕы допины утарар ааҕыныстыба (WADA) официальнай бэрэстэбиитэлэ Мэгги Дюранд ССТА-ҕа иһитиннэрдэ.
Ол сүрүн төрүөтүнэн 2015 сыл сэтинньитигэр РУСАДА үлэтэ аан дойдутааҕы допины утарар ааҕыныстыба ирдэбилигэр сөп түбэспэтинэн ааҕыллыбыта буолар. 2017 сыл сэтинньитигэр Сеулга буолбут WADA-ны тэрийээччилэр сэбиэттэрин мунньаҕар РУСАДА-ны аан дойдутааҕы кодекска сөп түбэспэт тэрилтэ балаһыанньатыгар сылдьыытын уһатан биэрэргэ быһаарыы ылыныллыбыта.
Быйыл олунньу саҥатыгар WADA салайааччыта Крейг Риди Пхенчханнааҕы Олимпиада кэнниттэн хас да ый буолан баран РУСАДА бырааба төннөрүллүөҕэр эрэнэрин биллэрбитэ.
Роман ПОПОВ, “Саха сирэ” хаһыат, edersaas.ru
+1
+1
+1
+1
+1
+1
+1