Маны аах Уопсастыба

Муус оҥоһуктар Саха сирин сирэйдииллэр

Быйыл «Саха сирин бриллианнара» хаар уонна муус оҥоһук куонкуруһа алтыс төгүлүн ыытыллар. 

Тэрээһиҥҥэ 8 улуустан 20 хамаанда кыттар. Күрэстэһии ахсынньы 2 күнүгэр диэри ыытыллар. Быйылгы муус оҥоһук — киинэҕэ, хаар оҥоһук — Саха АССР тэриллибитэ 100 сылыгар ананнылар.  Муус оҥоһук түмүгэ сэтинньи 30 күнүгэр түмүктэнэр, хаар оҥоһук — ахсынньы 2 күнүгэр. Кыайыылаахтары  ахсынньы 2 күнүгэр киэһэ  19:00 чааска  «Северное Сияние» Муус пааркатыгар наҕараадалыахтара.

Муус оҥоһуктар куонкурустарын «Кыһын Саха сириттэн саҕаланар» кыһыҥҥы туризм бэстибээлин чэрчитинэн Орджоникидзе болуоссатыгар үөрүүлээхтик аспыттара.

 

Бүгүҥҥү күҥҥэ Дьокуускай куорат олохтоохторун уонна ыалдьыттарын кэрэ бэйэлээх муус оҥоһуктар киэргэтэллэр.

Киэһэ үлэ чааһын кэнниттэн дьон оҕолорун кытта болуоссакка сыырга хатааһылаан, муус оҥоһуктар иннилэригэр хаартыскаҕа түһэн бараллар.

 

Елена ПОТОЦКАЯ, “Саха сирэ” хаһыат, edersaas.ru

 

Ааптар хаартыскаҕа түһэриитэ.

0
0
Telegram @edersaas20