Бэлиитикэ Маны аах

«… Муус хамсаата»

СӨ Ил Дархана Айсен Николаев Анал этиитин  дьүүллэһии, ырытыы салҕанар. 

edersaas.ru

СӨ Суруналыыстарын, СӨ Суруйааччыларын сойууһун чилиэнэ Айталина Никифорова:

— Ил Дархаммыт олоххо-дьаһахха чугас туһаайыыны эппититтэн бары үөрдүбүт. Хайдах эрэ Михаил Ефимович Николаев “орулуур тоҕус уонус” сыллар кэннилэриттэн оһорунууга диэн социальнай хайысхалаах бэлиитикэни тутуспутун санатар.

Айсен Николаев  кэлээри турар дьылы Ийэ сылынан биллэрэбин диэбитин бары даҕаны долгуйа ылынныбыт. Сахаҕа Ийэттэн күндү киһи суох буоллаҕа. Сахалыы саймаархай ис хоһоонноох туһаайыыга Саха Итэҕэлин норуотугар бэрт иллээхтик-эйэлээхтик тарҕата-ылыннара сылдьар ытыктыыр бөлүһүөкпүт Кулан Хаан сахалыы таҥнан кэлэн истэн олороро эмиэ бэрт уратытык көһүннэ. Урут бу курдук былаас таһымыгар Саха Итэҕэлиттэн бэрэстэбиитэл ыҥырыллыбытын өйдөөбөппүн.

Манна диэн санаабыт эттэхпинэ, “Саха сирэ” хаһыакка социальнай көмүскэл салаатыгар үлэлии сылдьан, олох араас очуругар оҕустарбыт ийэлэри кытта элбэхтик алтыһан турабын. Дьиэтигэр киһи тулуйбат майгыта тыҥаатаҕына, ийэ оҕолорун туппутунан барар-кэлэр сирэ суох буоларын туһунан элбэхтик суруйбутум. Кириисис киинэ олус наада диэн туруорса сатаабыппыт.
Быйыл, дьэ, муус хамсаата. Айсен Сергеевич үс сыл иһинэн Дьокуускайга дьиэ кэргэҥҥэ уонна оҕолорго социальнай көмө киинэ тутуллуохтаах диэн бырабыыталыстыбаҕа сорудахтаата. Эһиил тутуу бырайыагын бэлэмнээҥ диэн буолла.

Бу курдук, нэһилиэнньэ бары араҥатын хабан, туһаайыы оҥоһулунна. Хайа баҕарар судаарыстыба олоҕун хаачыстыбата кырдьаҕастарын уонна оҕолорун хайдах көрөн-истэн олороруттан биллэр дииллэр. Онон бу хамсык ыарыы дьону-сэргэни улаханнык саппаҕардыбыт кэмигэр оруобуна сөптөөх, олохтоох Туһаайыы этилиннэ.

Надежда ЕГОРОВА, «Саха сирэ» хаһыат, edersaas.ru

1
0
Telegram @edersaas20