“Хатас — Павловскай” хайысханан массыына суола хаһан аһылларын күүтэр дьон үгүс. Ол эрээри, анал исписэлиистэр бэлиэтииллэринэн, тиэтэйбэт ордук.
edersdaas.ru
СӨ массыына суолларыгар управлениетын генеральнай дириэктэрэ Николай Сивцев: “Хатас — Павловскай” хайысхатынан өрүс суолун туорааһыҥҥа 3 туоннаҕа диэри уйуктаах кыра массыына туорууругар муус халыҥа 34 см буолуон наада. Былырыын, тустаах хайысханан суол сэтинньи 21 күнүгэр аһыллыбыта. Быйыл кыраапык быһыытынан эмиэ сүүрбэ бииргэ диэн былааннаммыта эрээри, бэйэҕит даҕаны көрөргүт курдук, халлаан сылаас. Бэҕэһээҥҥи (сэтинньи 19 күнүнээҕи) бэрэбиэркэ көрдөрбүтүнэн, муус халыҥа, саамай чараас сиригэр 18 см тэҥнэһэр. Дьыл ааспыт сыллааҕар, быһа холоон, уонча күнүнэн хойутаан иһэр”, — диэн этэр.
Өрүс суолун туорааһыҥҥа, уопсайа, түөрт балаһа оҥоһуллуохтаах. Үлэни икки өттүттэн ыыталлар. Итинтэн күн бүгүн үлэһиттэр кыдьымаҕы астарбыттар. Билигин мууһун халыҥатар үлэ барар, өссө массыына сылдьарыгар табыгастаах буоларын курдук кумах, таас куталлар эбит.
Людмила ПОПОВА, “Саха сирэ” хаһыат, edersaas.ru
Хаартыска: интэриниэттэн