Муус барыытын ыам ыйын 16 күнүнээҕи туруга

Ааптар: 
Бөлөххө киир:

Өрөспүүбүлүкэтээҕи суһал ыстаап иһитиннэрэринэн, Өлүөнэ мууһа  Өлүөхүмэ улууһугар устар.

Өлүөнэ өрүс

Муус алын кырыыта Өлүөхүмэ улууһун Хоротуттон 30 км аллара өттүгэр бэлиэтэнэр (Дьокуускай куоракка диэри 525 км.). Уу таһыма 668 см (4 чаас устата  — 60 см.), муус хойуутук устар.

Көмүөл үөһэ өттө Өлүөхүмэ улууһун I Нөрүктээйи нэһилиэнньэлээх пуунугар баар.

Инньэ гынан, муус суукка устата 70 км сыҕарыйбыт.

Өлүөхүмэ өрүс 

Забайкальскай кыраай сиригэр ырбыылаах, Орто Өлүөхүмэҕэ уу таһыма сууккаҕа 1-3 см хамсыыр, муус миэстэтигэр ууллар.

Алдан өрүс

Алдан улууһун сиригэр Алдан өрүскэ уу таһыма сууккаҕа 0,1 м таҕыста, ырбыылааҕа уонна муус үрдүнэн уулааҕа бэлиэтэнэр.

Амма өрүс 

Көмүөл сүрүн өттө Алдан улууһунан ааһар. Муус алын кирбиитэ Алдан улууһун Бууйаҕатыттан 150 км аллара өттүгэр баар, муус хойутук устар. Уу таһыма 526 см (4 чаас устата -2 см), суукка устата 200 км сыҕарыйбыт.

Бүлүү өрүс

Муус хойуу өттө Сунтаар улууһунан ааһар. Алын өттө Сунтаар нэһилиэнньэлээх пуунугар бэлиэтэнэр, уу таһыма – 587 см (4 чаас устата +25 см). Үөһэ өттө — Сунтаар улууһун Кэриэстээх нэһилиэнньэлээх пуунугар, уу таһыма 617 см. (4 чаас устата -5 см.), мууһа сэдэх. Суукка устата 30 км. устубут.

edersaas.ru

Хаартыска: Анна Семенова.

+1
0
+1
0
+1
0
+1
0
+1
0
+1
0
+1
0