Бүгүн, ыам ыйын 18 күнүгэр, Аан дойдутааҕы мусуой күнэ бэлиэтэнэр. Онон бүгүн Емельян Ярославскай аатынан мусуойга «Аһаҕас аан күнэ» биллэрилиннэ.
Емельян Ярославскай аатын сүгэр хотугу норуоттар устуоруйаларын уонна култуураларын түмэр мусуой бу кэлэр субуотаҕа, ол эбэтэр, ыам ыйын 21 күнүгэр, Мусуой күнүн бэлиэтиэҕэ. Бу тэрээһини мусуой Хаҥалас улууһун дьаһалтатын, гуманитарнай чинчийии институтун, Саха сирин уустарын сойуустарын, «Дойдууһа-Дархан” диэн историко-этнографическай киини, П.А.Ойуунускай аатынан Саха академическай тыйаатырын кытары тэрийэр. Улахан тэрээһиннэрэ үгэс буолбут мусуой пикнигэ уонна Бүтүн Арассыыйатааҕы “Мусуойга түүн” аахсыйа.
Тэрээһин бырагыраамата:
11.00 чаастан — «Саха тимирэ: сөргүтүү» экспозиция үөрүүлээх быһыыга-майгыга арыллыыта.
12.00 — 12.40 – «Суолхапчы соргулаах суолунан” диэн Саха тыйаатырын артыыстара кыттыылаах испэктээк.
12.40 – 13.00 – Саха эстрадатын ырыаһыттара кыттыылаах кэнсиэр.
14.00 — 16.00 – С.С.Андреев «Кузнецы на земле олонхо» диэн документальнай киинэни көрүү.
10.00 — 16.30 – Мусуойга саҥа киирбит оҥоһуктар быыстапкалара (Мусуой сүрүн куорпуһугар).
11.00 — 16.00 – Саха маастардарын оҥоһуктарын быыстапката. Ону сэргэ олохтоох оҥорон таһаарааччылар бородууксуйалара атыыланыаҕа.
12.00 — 15.00 – Оҕо киинин педагога Ирина Сметанина туойтан оҥоһукка төлөбүрдээх маастар-кылаас ыытыаҕа.
12.00 — 15.00 – П.П.Романов аатын сүгэр художественнай училище устудьуоннара ытарҕа оҥоруутугар төлөбүрдээх маастар-кылаас тэрийиэхтэрэ.
Маны сэргэ, оҕолорго аналлаах интерактивнай быыстапка, остуол оонньуулара, аспаалга уруһуйдааһын ыытыллыаҕа.
11.00-15.00 – Саха балаҕана этнографическай кииҥҥэ кафе үлэлиэҕэ.
«Мусуойга түүн»
19.00 -22.30 – «Путь металла” экскурсия. Мусуой үлэһиттэрэ тимир сайдыытын устуоруйатын кэпсиэхтэрэ, интэриэһинэй оҥоһуктары көрдөрүөхтэрэ.
19.00-20.00 – РФ култууратын үтүөлээх үлэһитэ, СӨ култууратын бочуоттаах үлэһитэ Е.С.Шишигин “Саха АССР төрүттэммитэ 100 сыла” диэн лиэксийэтэ ыытыллыаҕа.
20.00-21.00 – «Черная металлургия якутов» лиэксийэ.
21.00-22.30 – «Начельник” диэн саха киэргэлин сүрэхтэниитэ.
19.00-23.00 – Мусуойга тимири уһаарыы маастар-кылааһа.
19/00-19.40 – «Кузнецы земли олонхо» документальнай киинэ.
20.00-21.30 –«Бүгүн-былыр» киинэни устубут бөлөҕү кытта көрсүһүү.
21.30-22.30 – Марат Арипов «Тайны предков» киинэ.
19.00-22.30 – Төлөбүрдээх маастар-кылаастар.
«Путь металла экскурсияҕа киириигэ оҕолорго билиэт сыаната 150 солкуобай. Улахан дьоҥҥо 350 солкуобай. Пушкин каартатынан төлүөххэ эмиэ сөп.
Ульяна ЗАХАРОВА.