Саха сиригэр быйыл биэс муоста саҥардыллар.
edersaas.ru
Сыл бүтүөр диэри өрөспүүбүлүкэ түөрт улууһугар биэс муоста саҥардыллан үлэҕэ киириэхтээх. Бу туһунан СӨ Автомобильнай суолларын управлениета иһитиннэрэр.
Үлэ үбүлээһинэ суол пуондатыттан көрүллэр. Бүгүҥҥү күҥҥэ Кэбээйи улууһун Түгүөнэ үрэҕин уонна Амма улууһугар Бөрө үрэҕи туоруур муосталар тутуллан бүттүлэр. Сыл бүтүөр диэри Мииринэй улууһугар Арҕахтаах үрэҕэр уонна аата суох үрүйэни туоруур муоста тутуллуоҕа. Өймөкөөн улууһугар тутааччылар Тирэх-Үрэх муостатын саҥардыыны түмүктээн эрэллэр. Муостаны тутуу салгыы барыаҕа. Холобур, «Яна» айан суолугар 2021 сылга Томпо улууһугар Мөҥкүлэ үрэҕи туоруур сиргэ тутуллуоҕа. 2022 сылга Уус Маайа улууһун Аллаах Үүн үрэҕи туоруурга муоста баар буолуоҕа.
Суолу тутааччылар бэдэрээччиттэрэ — «Дороги Саха» САУо, «Мосты Севера» ХЭУо, «СтройМост» ХЭУо, «Механический завод «Восход» ХЭУо.