Бүлүү өрүһү туоруур муоста бырайыага оҥоһуллар

Бөлөххө киир:

Бэс ыйын 16 күнүгэр СӨ Тырааныспарын уонна суол хаһаайыстыбатын миниистирэ Владимир Сивцев быһа эпииргэ тахсан, ыйытыыларга хоруйдаата.

Edersaas.ru

Быйыл өрөспүүбүлүкэтээҕи таһымнаах суолларга (Амма, Нам, Анаабыр, Дьааҥы туһаайыыларынан) 180 килэмиэтир өрөмүөннэнэрэ былааннанар. “Умнас” суолга өрөмүөн ыытылла турар, Хаҥалас улууһун Булгунньахтааҕар тиийдилэр.

Халыма” суолугар үлэ ыытыллан, Аллараа Бэстээхтэн Чурапчыга диэри өрөмүөннэниэхтээх. Төҥүлүгэ диэри 28 килэмиэтир, Нуораҕана-Мугудай икки ардыларыгар 6 килэмиэтир оҥоһуллуохтаах. 2022 сылга Чурапчыга диэри суол аспаалланыаҕа.

Ону тэҥэ, “Лена” суол Улахан Невергэ диэри аспаалланыаҕа. “Бүлүү” суол Бэрдьигэстээххэ диэри толору аспаалланан турар. Быйыл Бүлүү улууһугар балачча улахан сир аспаалланара күүтүллэр.

Уонча сылы быһа тутуллубут, кэтэһиилээх “Кэбээйи” суол икки өттүттэн оҥоһуллан турар, биир муоста бүттэҕинэ, быйыл холбоһон, тутуллан бүтүөхтээх.

Үөһээ Бүлүү сэлиэнньэтинэн Бүлүү өрүһү туоруур муоста бырайыага оҥоһулла сылдьар. Түүкээн, Оччугуй Ботуобуйа муосталара тутуллан бүттэхтэринэ, эһиилгиттэн Бүлүүнү туоруур муоста үлэтэ саҕаланыахтаах.

Ангелина Васильева, “Саха сирэ” хаһыат, edersaas.ru

Хаартыскаҕа: Бүлүү өрүһү туоруур муоста бырайыага.

+1
0
+1
0
+1
0
+1
0
+1
0
+1
0
+1
0