Муома улууһугар түөрт гибриднай энергокомплекс үлэҕэ киллэрилиннэ

«Саха сиригэр саҥа гибриднэй электростанциялары үлэҕэ киллэрии номнуо Илиҥҥи экэнэмиичэскэй пуорум үтүө үгэһинэн буолла.   Станцияны тутуу «Русгидро» ПАУо кытары сөбүлэһии быһыытынан ыытыллар. Бүгүн Муома улууһун нэһилиэктэригэр энергетическэй комплекстар үлэлэрэ үөрүүлээх быһыыга-майгыга саҕаланна», —  диэн Айсен Николаев эттэ.

Ол курдук,  саҥа комплекстар Муома (Хонуу), Саһыр, Кулун-Өлбүт уонна Түбэлээх (Чуумпу-Кытыл) нэһилиэктэргэ үлэҕэ киллэрилиннилэр.

Бырайыагы СӨ бырабыыталыстыбата «Русгидро» ПАУо кытары көҕүлээбиттэрэ.

Саха сиригэр Арассыыйаҕа саамай улахан күн күүһүнэн үлэлиир энергетиканы сайыннарыы  бырайыага  үлэлиир. 2024 сылга диэри эрэгийиэҥҥэ уопсайа 72 дизельнэй станция саҥарыллыахтаах.

РФ энергетикаҕа миниистирэ  Николай Шульгинов  көдьүүһэ суох дизельнэй генерацияны саҥардан оҥоруу дойду бырабыыталыстыбатын  өйөбүлүнэн ыытыллар диэн бэлиэтээн эттэ.