Бүгүн Муомаҕа Хонууттан тэрилтэлэр уонна «Муома» айылҕа пааркатын кэлэктиибэ субуотунньукка тахсыбыттар. Бу туһунан СӨ Айылҕа харыстабылын министиэристибэтигэр иһитиннэрбиттэр.
Бөһүөлэк бөҕүн-саҕын таһааран тоҕор сирин, ол таһын бэрт киэҥинэн тайаан ыраастаабыттар, хомуйбуттар. Маныаха бу курдук өрө тардына сылдьыбатахха, тыалынан-кууһунан кытары кэлэр бөх-сах эбиллэн, тулалыыр эйгэни, ууну-хаары буортулуурун бэлиэтээбиттэр.
Күргүөмнээх үлэҕэ кыттыбыт дьон ыраастааһын, өрө тардыныы үлэтэ манан эрэ бүппэтин, бөһүөлэк иһин, таһын ырааһырдарга өссө хаста да бу курдук тахсан үлэлиир наадатын ыйбыттар. Онон мантан саас өссө хаста да субуотунньуктуур санаалаахтарын айылҕа пааркатын кэлэктиибэ иһитиннэрбит.
Бүгүҥҥү субуотунньукка барыта 50-ча киһи кыттыбыт.
+1
+1
+1
+1
+1
+1
+1