Муома оройуонун олохтоохторо өрөспүүбүлүкэҕэ биир бастакынан коронавирус дьаҥыттан быһыы ылбыттара. Доруобуйа харыстабылын уонна үөрэхтээһин үлэһиттэрин кэнниттэн тута “СӨ ОДьКХ” ГУП Муоматааҕы филиалын үлэһиттэрэ «Спутник V» (Гам-КОВИД-вак) быһыыны ыларга туруммуттара. Онон бүгүҥҥү туругунан бу быһыы толору кууруһун ылан бүттүлэр.
Филиал дириэктэрэ Петр Софронеев бэлиэтииринэн, кинилэр бары наадалаах көрүүнү ааһан, быһыы ылбыттар. “Иккис түһүмэҕи ылыы кэнниттэн сууккаттан ордук кэм ааста. Үлэһиттэрбит бэйэлэрин уонна атын дьону харыстаан маннык быһыыны ыларга көхтөөхтөрүн көрдөрдүлэр. Куттанар табыллыбат, бэйэҕитин уонна чугас дьоҥҥутун харыстааҥ”,- диэтэ кини.
Бүгүн “СӨ ОДьКХ “ГУП 500-кэ үлэһитэ коронавируһу утары быһыы ыллылар, сорохтор бу нэдиэлэ устата иккис дозаларын кэтэһэллэр, диэн суһал ыстаап иһитиннэрдэ.
“СӨ ОДЬКХ№ ГУП пресс-сулууспата
Бэлэмнээтэ Женни Стрюкова
Хаартыска: тустаах саайтан