Сүбэһит

Муниципалитет сирин туһанар көҥүлү хайдах ылыахха сөбүй?  

Өҥөнү Дьокуускай куорат уокуруктааҕы дьаһалтатын Баайга-дуолга уонна сир сыһыаннаһыыларыгар департамена оҥорор. Ол туһунан сиһилии хаһыат бүгүҥҥү нүөмэригэр ааҕыҥ.

 

Муниципалитет эбэтэр су­­даарыстыба бас билиитигэр баар, кыраныыссата быһыллыбатах сирдэри эбэтэр сир учаастактарын туһанар өҥөнөн биирдиилээн да дьон, юридическай да сирэйдэр маннык түгэҥҥэ туһаныахтарын сөп:

1) инженернэй чинчийии ыытылларыгар;

2) ситимнээх (линейнэй) эби­йиэк хапытаалынай эбэтэр тирээн турар өрөмүөнүгэр;

3) быстах кэмнээх эбэтэр көмө тутууну (ол иһигэр күрүөлэри, хоспохтору, сарайдары) ту­­руорарга, тутуу матырыйаалларын, о.д.а. харайарга, тутууну хааччыйар тиэхиньикэни ту­­руорарга, федеральнай, эрэгийиэннээҕи эбэтэр олохтоох суолталаах ситим эбийиэктэрин саҥардарга;

4) сир баайын чинчийэргэ;

5) Ойуур пуондатыттан ураты сирдэргэ киирсэр сирдэргэ уонна сир учаастактарыгар Арассыыйа Федерациятын Хотугу эргимтэтин, Сибиир уонна Уһук Илин төрүт олохтоох аҕыйах ахсааннаах омуктарын үгэс буолбут олорор, төрүт дьарыктарын сирдэригэр кинилэр үгэс буолбут олохторун укулаатын уонна төрүт дьарыктарын харыстыырга уонна сайыннарарга туһуламмыт үлэни-хамнаһы ыытарга.

 

Ханнык докумуоннар ирдэнэллэрий?

 

  1. Сайабылыанньаны биэрээччи эбэтэр кини бэрэстэбиитэлин бэйэни туоһулуур докумуоннарын куоппуйата. Өскөтүн сайабылыанньаны бэрэстэбиитэл биэрэр буоллаҕына, кини боломуочуйалааҕын бигэргэтэр докумуонун куоппуйата эмиэ ирдэнэр;
  2. Территория кадастровай былааныгар туһаныллыах­таах сирдэр эбэтэр сир учаастактарын кыраныыссаларын исхиэмэтин координаталара анал туочукаларынан ыйыллыбыт буолуох­таахтар – өскөтүн сир эбэтэр сир учаастагын сороҕун туһанар ­буоллахха (хамсаабат баай судаарыстыбаннай кадаастырын салайыыга туһаныллар координата тиһигин туһанан туран).

 

Сайабылыанньаны хайдах биэрэбит?

 

1) Сайабылыанньаны сыһыарыылары кытта “МФЦ” ГАУ нөҥүө биэриэххэ сөп. Өскөтүн сайабылыанньаны биэрээччи са­­йабылыанньатын бары доку­муоннарын кытта “МФЦ” ГАУ нөҥүө биэрэр буоллаҕына, куоппуйалары кытта тэҥнээн көрөргө докумуонун оригиналларын эбэтэр нотариуһунан бигэргэтиллибит куоппуйаларын эмиэ көрдөрөр;

2) “Е-Якутия” портал нөҥүө электроннайдык. Онно электроннай сайабылыанньа толоруллар, ирдэнэр докумуоннар сыһыарыллаллар.

 

Төһө түргэний?

 

Муниципальнай өҥө 21 күн иһигэр (халандаар күнүн) оҥоһуллар.

 

Ханнык түгэҥҥэ аккаастыахтарын сөбүй?

 

Муниципальнай өҥөнү оҥорортон маннык түгэҥҥэ аккаастыахтарын сөп:

1) Сайабылыанньаҕа сир эбэтэр сир учаастага эбэтэр эбийиэк туохха туттуллара ыйыллыбыт буоллаҕына;

2) Көҥүл ыларга көрдөһүллүбүт сир учаастага физическэй эбэтэр юридическай сирэйгэ номнуо бэриллибит буоллаҕына;

3) Сайабылыанньа Арассыыйа Федерациятын Бырабыыталыстыбатын 2014 сыл сэтинньи 27 күнүгэр бигэргэппит 1244 №-дээх ­уурааҕынан олохтоммут, су­­даарыстыба эбэтэр муниципалитет бас билиитигэр баар сирдэри эбэтэр сир учаастактарын туһаныыга биэрэр Быраабыла 3 пуунун ирдэбиллэрин кэһэн туран бэриллибит буолаҕына;

4) Сайабылыанньа Арассыыйа Федерациятын Бырабыыталыстыбатын 2014 сыл сэтинньи 27 күнүгэр бигэргэппит 1244 №-дээх ­уурааҕынан олохтоммут, су­­даарыстыба эбэтэр муниципалитет бас билиитигэр баар сирдэри эбэтэр сир учаастактарын туһаныыга биэрэр Быраабыла 4 пуунун ирдэбиллэрин кэһэн туран бэриллибит буолаҕына;

5) Сайабылыанньаҕа Арассыыйа Федерациятын Бырабыыталыстыбатын 2014 сыл ахсынньы 3 күнүнээҕи “Сир учаастага бэриллибэт уонна серветут олохтоммот судаарыстыба эбэтэр муниципалитет бас билиитигэр баар сирдэргэ эбэтэр сир учаастактарыгар туруохтарын сөптөөх эби­йиэктэр көрүҥнэрин испииһэгин бигэргэтэр туһунан” 1300 №-дээх уурааҕын быһыытынан, эбийиэк туруохтаах сирин эбэтэр сирин учаастактарын кыраныыссатын исхиэмэтэ кадаастыр былааныгар киллэриллэн сыһыарыллыбатах буоллаҕына;

6) Сайабылыанньаҕа эбийиэги туруорар барыллаан болдьох эбийиэги туруорарга олохтоммут муҥутуур болдьоҕу куоһарар буоллаҕына;

7) Сайабылыанньаҕа Арассыыйа Федерациятын Бырабыыталыстыбатын 2014 сыл ахсынньы 3 күнүнээҕи “Сир учаастага бэриллибэт уонна серветут олохтоммот судаарыстыба эбэтэр муниципалитет бас билиитигэр баар сирдэргэ эбэтэр сир учаастактарыгар туруохтарын сөптөөх эби­йиэктэр көрүҥнэрин испииһэгин бигэргэтэр туһунан” 1300 №-дээх уурааҕынан бигэргэтиллибит испииһэккэ суох эбийиэктэр ыйыллыбыт буоллахтарына;

8) Сайабылыанньаҕа ыйыллыбыт сир учаастагар сир учаастага ураты усулуобуйалаахтык туттуллар территориялары кытта быһа охсуһарынан сибээстээн, эбийиэк туруоруллара көҥүллэммэт буоллаҕына;

 

Докумуоннары тутууга маннык түгэҥҥэ аккаастыыллар, өскөтүн:

1) сайабылыанньаны сөбө суох сирэй туттарар буоллаҕына;

2) сайабылыанньаҕа со­­куон уонна дьиҥнээх Административнай регламент ирдэбиллэригэр эппиэттээбэт тутуллаах, быһыылаах эбэтэр ис хоһоонноох докумуоннар сыһыарыллыбыт буоллахтарына;

3) Сайабылыанньаны ЕПГУ уонна (эбэтэр) РПГУ нөҥүө электроннай көрүҥүнэн биэрэр түгэҥҥэ, докумуон электроннай көрүҥэ сатаан ааҕыллыбат, электроннай ааҕар-суоттуур массыыналары туһанарга, ону тэҥэ информационнай-телекоммуникационнай ситиминэн биэрэргэ эбэтэр информационнай ситиминэн обработка­лыырга сөбө суох буоллахтарына.

 

Аадырыс уонна үлэ эрэсиимэ:

 

Дьокуускай куорат уокуруктааҕы дьаһалтатын аадырыһа (салгыы – Дьаһалта): Саха Өрөспүүбүлүкэтэ, Дьокуускай к., Ленин уул., 15, 677000.

Дьаһалта үлэлиир кыраапыга (эрэсиимэ): бэнидиэнньик-бээтинсэ: 09:00-18:00 ч (13:00-14:00 ч тохтобул).

 

Дьаһалта муниципальнай өҥөнү оҥорорго эппиэттээх салаата – Баай-дуол уонна сир сыһыаннаһыыларыгар департамена (салгыы – Департамент): Саха Өрөспүүбүлүкэтэ, Дьокуускай к., Ленин уул., 15, 677000.

Департамент сайабылыанньалаахтары кытта үлэлиир кыраапыга (эрэсиимэ): бэнидиэнньик-бээтинсэ: 09:00-18:00 ч (13:00-14:00 ч тохтобул).

 

Административнай регламент чэрчитинэн ирдэнэр докумуоннары көрөр уонна бэлэмниир боломуочуйалаах тэрилтэ – “Дьокуускай куорат” куораттааҕы уокурук “Сир сыһыаннаһыыларыгар ааҕыныстыбата” муниципальнай хааһына тэрилтэтэ (салгыы – Тэрилтэ): Саха Өрөспүүбүлүкэтэ, Дьокуускай к., Октябрьскай уул., 20/1, 677027.

Тэрилтэ үлэлиир кыраапыга (эрэсиимэ): бэнидиэнньик-бээтинсэ: 09:00-18:00 ч (13:00-14:00 ч тохтобул).

0
0