Мукучуга эр дьон түмсүүтэ үтүө дьыаланы үксэтэр

Ааптар: 
19.01.2021
Бөлөххө киир:
Ааспыт сыл кыһыҥҥы тымныыга Кэбээйи улууһун Мукучу нэһилиэгэр дьиэлэр, гараж умайан тустаах дьон үгүс эрэйи көрсүбүттэрэ. “Мукучу эр дьонун түмсүүтэ” кыһалҕалаах ыалга дьиэ ис тэрилин  атыылаһарга харчынан кыттыһан, сүҥкэн көмөнү оҥордулар.
Ксения Новикова, kobyaisky_ulus_news
80-с сыллар саҕаланыыларыгар Мукучуга Левченко Василий Иванович кэлэн олохсуйбута. Олохтоох кыыһы кэргэн ылан икки игирэ уолламмыттара. Ыарыһах кэргэнин уонна уолаттарын олох кыра эрдэхтэриттэн бэйэтэ көрөн улаатыннарбыта. Улахан Левченко бэйэтэ үчүгэй сварщик, сантехник этэ. Ол саҕана кыһыҥҥы тымныыга оскуола ититэр ситимэ хам тоҥноҕуна, онтон да атын үлэлэргэ Василий Иванович бастакынан кэлэн көмөлөһөн, үлэлээн олус абырыыра диэн аҕам саастаах дьон күн баччааҥҥа диэри дириҥ махталынан ахталлар. Күн-дьыл тохтообокко ааһар. Игирэ уолаттар бастаан ийэлэрэ, онтон аҕалара дьылҕа хаан ыйааҕынан олохтон бартара. Былырыын кыһын ортото иккис уол Василий дьиэтэ эмискэ уокка былдьаммыта. Уол убайынаан Иванныын (Иван кэргэннээх, 4 оҕолоох улахан ыал аҕата) олорбут дьиэлэрин таһыгар дьоҕус дьиэ туттубута. Онуоха дьиэ ис тээбиринин “Мукучу эр дьонун түмсүүтэ”, салайааччы Кычкин Алексей Алексеевич, харчы бырахсаннар ылан биэрдилэр. Газ плитатыттан саҕалаан, телевизорыгар тиийэ.

Игирэлэр Ванялаах, Вася аҕаларын курдук эмиэ барыны бары сатыыр, туох да үлэттэн иҥнэн-толлон турбат уолаттар. Ким кыһалҕалаахха барытыгар көмөлөһөллөр. Онон “үтүө үтүөнэн төлөнөр” – диэн бу бастыҥ быһыыны этэллэр. Кычкин А.А. салайааччылаах “Мукучу эр дьонун түмсүүтүгэр” барҕа махталбытын биллэрэбит. Кыһалҕалаах кэмҥэ көмөлөспүккүт олус хайҕаллаах. Түмсүү эр дьоно өссө да былааннара элбэх.
Ксения Новикова,  kobyaisky_ulus_news
+1
0
+1
0
+1
0
+1
0
+1
0
+1
0
+1
0