Бу сарсыарда Чурапчы улууһун Мугудай нэһилиэгэр Маралайы күөлүттэн чугас сытар элгээҥҥэ уу бырахтарбыттара сыһыыга халыйан таҕыста. Улуус баһылыгын солбуйааччы Иннокентий Матвеев edersaas. ru сайтка нэһилиэнньэҕэ туох да куттал суох диэн иһитиннэрдэ.
edersaas.ru
“Маралайы күөлүттэн кыһын ынах сүөһү уулууругар диэн чугас сытар элгээҥҥэ сифонунан уу бырахтарбыттара атын сиринэн халыйан таҕыста. Нэһилиэнньэҕэ, социальнай эбийиэктэргэ туох да куттала суох. Билигин сифоннарын тохтотуохтара. Чурапчыттан Баһаартан сэрэхтээх буолуу сулууспатыттан үлэһиттэр бардылар. Хонтуруолга тута сылдьабыт”, — диэн этэр Иннокентий Константинович.
Манна даҕатан эттэххэ, Маралайы күөлүттэн мугудайдар сылын аайы сифонунан (ол эбэтэр турбалары холбоон салгыны хачайдаан) уу бырахтараллар.
Аграфена КУЗЬМИНА, “Саха сирэ” хаһыат, edersaas.ru