Дойду үрдүнэн билигин коронавируснай инфекцияны утары саамай элбэх куойка арыллыбыт. Былырыын муҥутаан 270 тыһыынча куойка арылла сылдьыбыт буоллаҕына, билигин 290 тыһыынчаҕа тиийдэ.
— Кураанах турар куойка ахсаана биллэ аҕыйаата, тоҕо диэтэр, туола тураллар. Ону тэҥэ, ыараханнык ыалдьар дьон ахсаана эбилиннэ. Эрэгийиэннэр куойка пуондатын өссө кэҥэтэр санаалаахтар. Билигин 13 эрэ эрэгийиэҥҥэ ыалдьыы таһыма намтыыр, атыттарга коронавируһунан ыалдьыы эбиллэ турар. Онон бу локдаун бириэмэтигэр кэлиини-барыыны тохтотон, хантаактары аҕыйатан, ыалдьыы таһымын намтатарга бары күүһү ууруохтаахпыт, — диэн РФ доруобуйа харыстабылын министиэристибэтин кылаабынай инфекциониһа Владимир Чуланов этэр.
Ангелина Васильева, “Саха сирэ” хаһыат, edersaas.ru
Хаартыска: ria.ru