Муҥха: баппаҕаайылар кырдьаҕастарын матарбаттар

Ааптар: 
Бөлөххө киир:

Ааспыт өрөбүлгэ Бүлүү улууһун Баппаҕаайы нэһилиэгин олохтоохторо дьаһалта баһылыга Егор Николаев көҕүлээһининэн, Анатолий Николаев тэрийиитинэн, Арыылаах Эбэни тартылар.


Киэһэ муҥхаһыттар бары биирдии солуур бөдөҥ соболоох тарҕастылар, ордубутун бэтэрээннэргэ биэрэргэ быһаардылар. Эбэлэрин сибиэһэй соботун амсайан, кырдьаҕастар барахсаттар баһылыктарыгар, Егор Афанасьевичка, улаханнык махтаннылар.

Муҥхаҕа сылдьыбыт ыччаттар маннык тэрээһиннэр дьону сомоҕолуур, оҕолору төрүт үгэспитигэр үөрэтэр эбиттэр диэн түмүк оҥоһуннулар. Сиэрдээх дьаһаллаах салалта үлэтигэр ситиһиилэри, нэһилиэк дьонугар түмсүүлээх буоларга баҕардылар.

Раиса Сибирякова, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0