Кулун тутар 20 күнүттэн МТС суотабай оператор абоненнара Ростуризм, Тас дойдулары кытта сыһыаннаһыыларга министиэристибэ ситуационнай киинигэр, Москва куорат Доруобуйа харыстабылын департаменыгар уонна авиахампаанньалар нүөмэрдэригэр босхо эрийэр кыахтаныахтара.
Маннык быһаарыныы аан дойдуга уустук эпидемиологическай балаһыанньаттан сылтаан, кыраныыссаны туоруурга хааччахтааһын киирэн, кыһалҕаҕа ыктарбыт дьоҥҥо көмөлөһөр сыалтан ылылынна.
МТС абоненнара Арассыыйа эрэ иһигэр буолбакка, аан дойду хайа баҕарар уһугар ити үөһэ ыйыллыбыт тэрилтэлэргэ босхо эрийэн кэпсэтиэхтэрэ.
Ону таһынан, коронавируһу утары охсуһар быһа нүөмэргэ, ол саайтыгар, үөрэх порталларыгар төлөпүөҥҥэр харчыҥ бүппүтүн да иһин босхо киириэххин, эрийиэххин сөп.
Абонент харчыта бүппүтүн да иһин, киниэхэ ким баҕарар, чуолаан, чугас дьоно эрийэн кэпсэтиэхтэрэ диэн иһитиннэрэр МТС хампаанньа.
Марианна Тыртыкова, «Саха сирэ» хаһыат, edersaas.ru
Хаартыска: yakutia.info
+1
+1
+1
+1
+1
+1
+1