Москватааҕы судаарыстыбаннай университет устудьуоннара үөрэх төлөбүрүн намтатары туруорсал...
Олох-дьаһах - ЭС - маны аах

Москватааҕы судаарыстыбаннай университет устудьуоннара үөрэх төлөбүрүн намтатары туруорсаллар

Бу күннэргэ Ломоносов аатынан Москватааҕы судаарыстыбаннай университекка төлөөн үөрэнэр устудьуоннар төлөбүр сууматын намтатары туруорсаллар диэн дойду киин саайтара суруйаллар.  

edersaas.ru

Устудьуоннар быһааралларынан, ыраахтан олорон (дистанционно) үөрэниигэ көһүөхтэриттэн, үөрэх таһаарыыта (продуктивность) биллэ намтаабыт. Онон төлөбүр кырата 50 бырыһыаҥҥа диэри намтыырыгар суоттаналлар.

Онтон тустаах үөрэх кыһата быһаарбытынан, кулун тутартан саҕалаан, хамсык дьаҥа тарҕамматын туһугар күүстээх миэрэни ылалларын, үөрэх хаамыыта тохтобула суох, хаачыстыбалаахтык барарыгар үлэни ыыталларын эппиттэр. Ону тэҥэ, ыраахтан олорон (дистанционно) үөрэнии олоҕурбут көрүҥүнэн (очно) үөрэниигэ тэҥнээҕин учуоттуур наадатын ыйаллар.

Санатан эттэххэ, устудьуоннар төлөбүр сууматын кыччатары быйыл сааскыттан, пандемия саҕаланыаҕыттан туруорсаллар. Билиҥҥитэ, чопчу маннык быһаарыы ылылынна диэн ханна даҕаны суруллубат. Арай, суукка биэрдэхтэринэ туох быһаарыы ылыллара буолла.

 

Людмила ПОПОВА, “Саха сирэ” хаһыат, edersaas.ru

Уруһуй: школа297.рф

 

0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

14 + шесть =