Москва аатырбыт станциятыгар – Саха сирин быыстапката

04.11.2017
Бөлөххө киир:

Москваҕа аатырбыт Воробьев хайатын станциятыгар (Сокольническай линияҕа) бэҕэһээ Саха сирин норуотун искусствотын быыстапката турда.

edersaas.ru

Санатан эттэххэ, Воробьев хайатын станциятыгар бу маннык экспозициялар 2010 сылтан туруоруллаллар. Бу станция Москва метрополитенын биир саамай култуурунай былаһааккатыгар кубулуйда. “Бу быыстапка быйыл туруоруллубут экспозициялартан төрдүс буолар. Күн устата 12 тыһыынчаттан тахса киһи быыстапканы көрүөҕэ”, —диэн бэлиэтиир быыстапка аһыллыытыгар Москва метрополитенын начаалынньыгын  бастакы солбуйааччы Дмитрий Дощатов. Бу иннинэ станцияҕа Дагестан өрөспүүбүлүкэтин, Конфедерация кубогын (футболга национальнай хамаандалар күрэхтэһиилэрэ), Москва циркэтин быыстапкалара турбуттара.

СӨ вице-премьера Михаил Гуляев Саха сирин айар кэллэктииптэрэ Москваҕа үгүстэ быыстапканан, кэнсиэринэн, испэктээкилинэн кытталларын бэлиэтээн туран, станцияҕа бу бастакытын быыстапка туруорарын эттэ. «Москва метрополитеныгар бу бастакы быыстапкабыт. Бу — куорат дьаһалтатын кытары быһаччы үлэлэһиибит түмүгэ буолар»,   — диэн иһитиннэрэр Михаил Дмитриевич.
Онтон Саха сирин бастайааннай бэрэстэбиитэлэ Юрий Куприянов бэлиэтииринэн, бу маннык быыстапкалар Саха сирин киэҥ эйгэҕэ билиһиннэрэллэр. “Москва олохтоохторугар, ыалдьыттарыгар биһиги маастардарбыт Саха сирин үгэһин, култууратын, уратытын көрдөрөр быыстапкаларын туруордулар. Бу манан биһиги Саха сирин күннэригэр киэҥ араҥаны хабыахпыт дии саныыбын”, — диэн этэр Юрий Степанович.

Аграфена КУЗЬМИНА, “Саха сирэ” хаһыат, edersaas.ru

+1
0
+1
0
+1
0
+1
0
+1
0
+1
0
+1
0