Москваҕа Уһук Илин эрэгийиэннэрин күннэринэн, «Уһук Илин экспреһэ» диэн сүрэхтэммит пуойас тимир ыллыгынан айанныаҕа.
Сэтинньи 9 күнүттэн номнуо төрдүс «Уһук Илиҥҥи эскпресс» Арбат-Покровскай линиятынан айанныырын туһунан СИА ddv.moscow сигэнэн иһитиннэрэр. Хас биирдии вагоҥҥа Уһук Илин иккилии эрэгийиэнин сырдатыахтара. Онон вагонтан вагоҥҥа айанныыр пассажирдар болҕомтону тардар, киһини эрэ умсугутар сир-уот уонна ураты кэрэ айылҕа туһунан истиэхтэрэ, билиэхтэрэ.
Хас да вагоҥҥа анал хаартысканан кэпсиир, көрдөрөр сирдэр тэриллиэхтэрэ. Маны таһынан, Уһук Илиҥҥэ олох араас эйгэтигэр анаммыт тиэмэлэринэн вагоннар бааллар. Ол түмүгэр, 2 мөлүйүөнтэн тахса пассажир түргэнник уонна олус бэртээхэйдик, табыгастаахтык, тупсарыллыбыт усулуобуйаҕа Уһук Илин 11 эрэгийиэнинэн «хатааһылыахтара». Кинилэр бу кэмҥэ былыргы күөллэринэн, ураты ойуурдарынан, тайҕаларынан, туундаранан «ыалдьыттаан» ааһыахтара.
+1
+1
+1
+1
+1
+1
+1