Москва метрополитеныгар Өлүөнэ очуостара ойуулаах каарта атыыга таҕыста
Өлүөнэ очуостара ойуулаах каарта Москватааҕы метрополитеҥҥа баар буолла. Бу туһунан «Өлүөнэ очуостара» национальнай паарка дириэктэрэ Аркадий Семенов инстаграмҥа тус страницатыгар суруйда.
— Үөрүүлээх сонуннаахпын. Өлүөнэ очуостара ойуулаах каарта метрополитеҥҥа баар буолла. Бу Ураты харыстанар сирдэри сайыннарыы судаарыстыбаннай бэлиитикэтин департаменын, РФ Айылҕа ресурсаларын министиэристибэтин Байкаллааҕы айылҕа территориятын уонна Москва куорат суол-тырааныспар инфраструктуратын департаменын кытары бииргэ үлэбит түмүгэ буолар. «Тройка» тырааныспар каартатыгар федеральнай суолталаах ураты харыстанар сирдэр ойуулаах кэллиэксийэ 10 000 ахсаанынан таҕыста, — диэн Аркадий Семенов эбэн эттэ.
https://www.instagram.com/p/CKoNOUrs4RA/
edersaas.ru