Интэриэһинэй

Москваҕа Саха сирин бэрэстэбиитэлистибэтигэр дьыктааны Олена Уутай ааҕыаҕа



Муус устар 10 күнүгэр Москваҕа Саха сирин Бастайааннай бэрэстэбиитэлистибэтигэр тотальнай дьыктаан былаһаакката тэриллиэҕэ. Манна аахсыйа кыттыылаахтарын иннигэр дьыктааны биир дойдулаахпыт, аатырбыт этно мусукаан Олена Подлужная-Уутай ааҕыаҕа.

Москваҕа барыта 200-тэн тахса площадка тэриллиэҕэ. Дьыктааны ааҕааччыларынан дойду биллиилээх дьоно буолуохтара — Владимир Познер, Антон Долин, Николай Цискаридзе, Владислав Пельш, Валерия, Влад Лисовец, Юрий Быков уонна да атыттар. Кинилэр бука бары Дмитрий Глуховскай «Обещание» айымньытыттан быһа тардыыны ааҕыахтара. Суруйааччы бэйэтэ аахсыйа сүрүн былаһааккатыттан — Дьокуускайтан тиэкиһин ааҕыаҕа.

Дьыктааҥҥа кыттыан баҕарар дьон дьыктаан саайтыгар  киирэн эрдэттэн бэлиэтэнэллэрэ ирдэнэр.

Санатан эттэххэ, үгүс куораты кытта күрэскэ кыттан, 2021 сылга Дьокуускай тотальнай дьыктаан киин куоратынан талыллыбыта.

2020 сылга аахсыйаҕа 270 тыһыынчаттан тахса киһи кыттыбыта, 1 646 былаһаакка 45 дойдуга тэриллибитэ.

«Саха сирэ» хаһыат, edersaas.ru

Хаартыска www.sakha.gov.ru

0
0