Сүрүн Уопсастыба Успуорт

Москваҕа мас тардыһыыга күрэхтэһии ыытылынна



Ааспыт өрөбүллэргэ Москва куоракка олимпийскай чөмпүйүөн Роман Дмитриев аатын үйэтитэр Арассыыйатааҕы мас тардыһыыга күрэхтэһии ааста.

Күрэхтэһиигэ 15 эрэгийиэнтэн 68 эр дьон уонна дьахталлар кыттыыны ыллылар. Роман Дмитриев олоҕун бүтэһик сылларын Москваҕа Саха сирин бэрэстэбиитэлистибэтигэр үлэлээбитэ. Кини бу спорт көрүҥүн аан дойдуга тарҕатыыга элбэх сыратын бараабыта, “мас-рестлинг” диэн ааты кини айбыта.

Күрэх кыттааччыларын эҕэрдэлии XXII Олимпийскай оонньуулар медалиһа тустуук Сергей Корнилов, үрдүккэ ыстаныыга олимпийскай чөмпүйүөн, Москва уобалаһын мас тардыһыыга чөмпүйүөнэ Андрей Сильнов, Саха сирин бэрэстэбиитэлистибэтин советника Агит Колодезников уонна СӨ спорт министиэристибэтин бэрэстэбиитэлэ Алексей Филиппов кыттыыны ыллылар.

Күрэхтэһии дьахталларга 5 ыйааһын, эр дьоҥҥо 7 ыйааһын категориятынан ыытылынна. Күрэхтэһии түмүгүнэн 13 маҥнайгы миэстэттэн 8 миэстэни мас тардыһыы үөскээбит сириттэн  сылдьар бөҕөстөр ыллылар.

«Саха сирэ» хаһыат, edersaas.ru

Хаартыска — www.sakha.gov.ru

0
0

Добавить комментарий