Москваҕа киинэ бэстибээлэ саҕаланна

Тэрээһин РФ Бэрэсидьиэнигэр СӨ Бастайааннай Бэрэстэбиитэлистибэтин кытары көмөлөөн тэрилиннэ итиэннэ сылын ахсын ыытыллар буолуоҕа. Бу туһунан Сахафильм иһитиннэрдэ.

Олох-дьаһах туһунан уратылаах араас мистическэй кэпсээннэр режиссердар өрө көтөҕүллэн үлэлээһиннэринэн,  аан дойду көрөөччүлэрин, Пусантан Берлиҥҥэ тиийэ интэриэһи тартылар, сэргэхсийиини таһаардылар.

«Пионер» киинэ тыйаатырын анал бырайыактарга дириэктэрэ Егор Сенников уонна бу киинэ тыйаатырын публичнай бырагыраамаҕа куратора Сергей Сдобнов бэстибээл бырагырааматыгар аныгы саха киинэтин арааһыттан түөрт киинэни киллэрбиттэр.

Тэрээһин 2020 сылга «Окно в Европу» Выборг куоракка ыытыллыбыт бэстибээл сүрүн бирииһи ылбыт «Хара хаар» киинэнэн саҕаланна. Киинэ сүрүн дьоруойа — ыраах айан суоппара иҥсэтиттэн өлөр кутталга киирэр. Киинэ кэнниттэн режиссер Степан Бурнашевы кытта сэһэргэһиэхтэрэ, дьүүллэһиэхтэрэ.

Костас Марсан «Мой убийца» болҕомтону улаханнык тардыбыт киинэтэ  көрдөрүллэр. Киинэ эдэр кыыһы өлөрбүт киһини көрдүүр силиэдэбэтэлгэ анаммыт.

 2018 сыллаахха Москваҕа норуоттар икки ардыларынааҕы киинэ бэстибээлин кыайыылааҕынан буолбут Эдуард Новиков «Тойон кыыл» хартыынатыгар ааспыт үйэ 30-с сыллара, саха ыалын олоҕо ойууланар. Өбүгэ саҕаттан Тойон кыыл диэн улуутута ааттыыр көтөрдөрө бу ыал куттарын туттарбыт тэҥкэ тииттэрин буулуур, уу-нуурал олохторун долгутар.

Бэстибээл түмүк күнүгэр «Ийэкээм» («Нет бога кроме меня») киинэни көрдөрүөхтэрэ уонна дьүүллэһиэхтэрэ. Бу дьылҕа тургутуутун тулуйбакка, майгы уларыйыытын көрдөрөр дириҥ ис хоһоонноох киинэ. Хартыына режиссера Дмитрий Давыдов, былырыын, 2020 с. «Пугало» киинэтинэн Кинотавр сүрүн бирииһин ылбыта.

Бары киинэлэр сахалыы тылынан көрдөрүллүөхтэрэ, нууччалыы тылынан субтитрданыа.