Москваҕа Бастайааннай бэрэстэбиитэлистибэҕэ спортсмен Богдан Прокопьевы чиэстээтилэр

Москваҕа СӨ Бастайааннай бэрэстэбиитэлистибэтигэр Арассыыйа спордун маастара, пауэрлифтер, Швецияҕа ыытыллыбыт юниордарга аан дойдутааҕы күрэхтэһии  призера  Богдан Прокопьевы чиэстээтилэр.

Бастайааннай бэрэстэбиитэлистибэҕэ Арассыыйатааҕы, аан дойдутааҕы күрэхтэһиилэргэ үрдүк көрдөрүүлээх спортсменнары чиэстээһин номнуо үтүө үгэскэ кубулуйда.

Бу күннэргэ Швецияҕа Хальмстад куоракка пауэрлифтиҥҥа  күрэхтэһии ыытылла турар. Үөһээ Бүлүү спортсмена Богдан Прокопьев номнуо үс мэтээли, ол иһигэр биир үрүҥ көмүс, икки боруонсаны ылары ситистэ.

Богдан Прокопьев көрсүһүү кэмигэр биир дойдулаахтарыгар  өйөбүллэрин иһин махталын тириэртэ. СӨ бастайааннай бэрэстэбиитэлэ Андрей Федотов Богдаҥҥа бэрэстэбиитэлистибэ Махтал суругун туттарда.

edersaas.ru