Москваҕа көҥүл тустууга аан дойду Кубогын тэрийэн ыытар кэмитиэт мунньаҕа буолла
Бэҕэһээ, олунньу 13 күнүгэр, Москваҕа, Саха Өрөспүүбүлүкэтин Арассыыйа бэрэсидьиэнигэр Бастайааннай бэрэстэбиитэлистибэтигэр бу дьыл кулун тутар 15-17 күннэригэр Дьокуускайга ыытыллар көҥүл тустууга аан дойду Кубогын тэрийэр кэмитиэтин мунньаҕа буолла. Көрсүһүүгэ Арассыыйа спортивнай тустууга федерациятын бэрэсидьиэнэ, олимпийскай чөмпүйүөн Михаил Мамиашвили кыттыыны ылла. Бу туһунан WRESTRUS.RU иһитиннэрэр.
edersaas.ru
Мунньаҕы иилээн-саҕалаан ыыппыт Саха сирин Ил Дархана Айсен Николаев аан дойду Кубогын ыытыыга өрөспүүбүлүкэ сайаапкатын Арассыыйа спортивнай тустууга федерацията, онтон Тустуу холбоһуктаах эйгэтэ (UWW), бу тэрилтэ бэрэсидьиэнэ Ненад Лалович тус бэйэтинэн ылыныыларыгар, бигэргэтиилэригэр Саха сирэ тустуу эйгэтигэр аптарытыаттааҕа төһүү буолбутун ыйан туран, аныгы устуоруйаҕа киирэр бастыҥ аан дойду Кубогын тэрийэн ыытыахпыт, онуоха бары барыта баар диэтэ. Билигин сүрүн боппуруостар быһаарыллан, бэлэмнэнии үлэ эриэ-дэхси барарын эттэ.
Михаил Мамиашвили аан дойду Кубогын тэрийэн ыытыы Саха сиригэр дьоһун суолталааҕын эттэ, бу спорка бастакы хардыыларын оҥорор уолаттарга бэйэлэрин толору көрдөрөллөрүгэр кыаҕы биэрэрин сэргэ, көҥүл тустуу устуоруйатыгар ааттарын көмүс буукубанан суруйан хаалларбыт саха улуу тустууктарыгар сүгүрүйүү бэлиэтэ буоларын бэлиэтээтэ.
Мунньахха Тустуу холбоһуктаах эйгэтин, Арассыыйа спортивнай тустууга федерациятын уонна Саха Өрөспүүбүлүкэтин икки ардыларыгар көҥүл тустууга аан дойду Кубогын ыытыы туһунан үс өрүттээх сөбүлэһии түһэрсилиннэ.
Роман Попов, edersaas.ru
Хаартыска Интэриниэттэн ылылынна.