Кириисис кэмигэр дьиэ атыыламмат буолар, сыаната түһэр. Москва тутааччылара сыананы түһэрэр оннугар, ураты бырагырааманы — 0%-наах ипотеканы толкуйдаабыттар. Ол эрээри…
edersaas.ru
Бастакы сылга эрэ 0%-наах буолар эбит. Иккис сылтан баан бырыһыанынан төлөөн бараҕын. Бу бастакы сыл бырыһыанын тутар хампаанньа бэйэтэ төлүүр. Ол эрээри, дьиктитэ диэн, сыананы түһэрэн, 10 бырыһыаннаах чэпчэтии оҥоруохтарынааҕар, онтон кыра сууманы төлүүллэр эбит.
Москваҕа үс ый устата бэйэни хааччахтаныы эрэсиимэ буолбутун кэнниттэн, кыбартыыраны атыылаһыы аҕыйаабыт. Муус устарга улахан уларыйыы суох эбит. Ыам ыйыттан саҕалаан, маннык бырагырааманы толкуйдаабыттар. Сүрүннээн чэпчэтиилээх 6,5%-наах ипотеканы ылааччылары маннык ньыманан бэйэлэригэр угуйбуттар.
2015-2016 сыллардааҕы кириисис кэмигэр тутааччылар дьиэ сыанатыттан 10 бырыһыаннаах чэпчэтии оҥорор этилэр. Оттон билиҥҥи кириисиһи уруккутааҕар чэпчэкитик аһардан эрэллэр эбит диэн түмүгү оҥоруохха сөп.
Атын дойдулары ылан көрөр буоллахха, Италияҕа коронавирус содулуттан хамсаабат баай ырыынага эмсэҕэлээн, эргэ дьиэлэри 1 евроҕа атыылыыр бырагыраамалары үлэлэтэн эрэллэр.
Ангелина Васильева, “Саха сирэ” хаһыат, edersaas.ru
Хаартыска: интэриниэттэн.