Москваҕа Щепкин аатынан Үрдүкү театральнай училищеҕа үөрэнэр Саха сириттэн сылдьар устудьуон балаҕан ыйын 11 күнүгэр уопсай дьиэ үһүс этээһиттэн суулунна. Эдэр киһи тыыннаах, ол эрээри улахан эчэйиини ылбыт. Билигин балыыһаҕа сытар. Бу туһунан СӨ Култуураҕа уонна духуобунай сайдыыга министиэристибэтин пресс-сулууспата иһитиннэрэр.
Оһол түүн буолбут. Устудьуон саха национальнай устуудьуйатыгар бииргэ үөрэнэр доҕотторун кытта уопсайга олорор эбит. Кини түүн биир чаас диэки хоһуттан куукунаҕа тиийбит. Түннүк сэҥийэтигэр видео уста, ырыа истэ олорон утуктаан, алҕаска түннүктэн сууллубут. Бу кэмҥэ кини арыгыны испэтэх, өлүөр сылдьыбыт. Уолу уопсай атын олохтоохторо көрөн «суһал көмөнү» ыҥырбыттар.
Быраастар тута госпитализациялаабыттар, эпэрээссийэлээбиттэр. Устудьуон туруга ыарахан, ол эрээри бигэ. Киниэхэ Саха сириттэн дьоно тиийбиттэр.
+1
+1
+1
+1
+1
+1
+1