Москубаҕа «Айулна» үҥкүү ансаамбыла биһирэннэ

Бөлөххө киир:

Москубаҕа муус устар бүтүүтэ ВДНХ-ҕа «Россия — моя история» диэн 57-с павильонугар норуоттар икки ардыларынааҕы  «Сокровища Севера. Мастера и художники» быыстапка-дьаарбаҥка аһыллыбыта.

Саха сирин аатыттан отучча киһилээх дэлэгээссийэ кыттыыны ылбыта. Кинилэр истэригэр — СӨ вице-премьерин Михаил Никифоров салайааччылаах өрөспүүбүлүкэ Аартыка сайдыытыгар министиэристибэтэ, СӨ Аҕыйах ахсааннаах норуоттарын Ассоциациялара, Томпо, Аллараа Халыма, Усуйаана, Алдан, Анаабыр улуустарын, Дьокуускай куорат маастардара, «Долгунча», «Айулна» фольклорнай үҥкүү ансаамбыллара.

«Айулна» салайааччыта Василий Старостин-Мэҥун сонунун үллэстэр. Ол курдук, «Айулна» ситиһиилээхтик кыттан кэллэ. «Айулна» диэн эбээн тылыттан инникигэ, сырдыкка суолдьут диэн тылбаастанарын эттэ.

Бэйэлээх үчүгэй сонуну куоттара сыыспыппын көннөрбүттүү, ансаамбыл салайааччытын кытта кэпсэттим. «Үҥкүү диэн син биир бэйэтинэн айымньы курдук. Ол иһин, хас биирдии туруоруум миэхэ, үҥкүүһүттэргэ, олус күндү, ураты суолталаах. Анита Вензель, Евдокия Менкярова, Айгыл Лукин, Анастасия Сивцева, Герман Дедюкин, Мичил Николаев, Татьяна Попова, Михаил Саввинов, Александр Анисимов, Валерия Макарова, Анастасия Никитина буолан кыттан кэллибит. Ыччат олус үөрдэ, сэргэхсийдэ, бэйэтигэр уопут ылла», — диэн эттэ Василий.

+1
7
+1
0
+1
2
+1
0
+1
0
+1
0
+1
0