Маны аах Уопсастыба

«Моржтар» кыһыҥҥы бэстибээли арыйдылар

Ахсынньы 1 күнүгэр «Кыһын Саха сириттэн саҕаланар” бэстибээли “Саха моржтара” чөл олох уонна эти-сиини эрчийии уопсастыбаннай түмсүүтүн чилиэннэрэ уратытык арыйдылар.

Кинилэр Өлүөнэ өрүскэ ойбон алларан, сөтүөлээтилэр. Бу күн 30 кыраадыс тымныы, сүрдээх сытыы тыаллаах күн-дьыл турбута. Бастаан уонча киһи муустаах ууга сөтүөлүүр былааннааҕа да, барыта сүүрбэччэ киһи ууга киирэн таҕыста. Оннооҕор көрө-истэ тиийэн баран, биир киһи аан бастакытын муустаах ууга сөтүөлээбит.

Саха моржтара” уопсастыбаннай түмсүү 2018 сыллаахха тэриллибитэ. Барыта 40-ча киһи: эдэрдэр да, саастаахтар да, дьахталлар да, эр дьон да бааллар. Кинилэр маннык уустук дьыаланан бэйэлэрин доруобуйаларын бөҕөргөтөр, бэйэлэрин тургутар, тымныы кыаҕын туһанар былааннаахтар. Ол чэрчитинэн, оннооҕор 50 кыраадыс тымныыга ойбоҥҥо киирэн сөтүөлүүллэр. Күһүн муус тура илигиттэн саҕалаан, эттэрин-сииннэрин үөрэтэллэр, сыыйа тымныыны тулуйар буолаллар.

Ангелина Васильева, “Саха сирэ” хаһыат, edersaas.ru

Хаартыска: ykt.ru

0
0
Telegram @edersaas20